contoh geguritan bali

Geguritan

Suluh raga

Pemahbah/pembuka

Pupuh sinom

Daging titiang nunas lugra

Ring betara ne kesiwi

Muah maring pamiarsa

Antuk pangkah nenten dugi

Purun mengaturan gurit

Pangkamenegesin tutur

Kadi ipun kunang-kunang

Purun maru sang hyang sasih

Salah sudu

Ledang ugi ngampurayang

Artos/arti

Ø Ingih idadane para semeton titiang sinareng sami sane sampun waget ring daging sastra pemekas atur unteng titiang boye je wenten tios wantah nunas pengampura

Ø Sane utamayang titiang ring ida sang hyang widhi wasa maka pemekas ida sang hyang aji saraswati sane subaktinin titiang

Ø Taler sang sane mirengan,sane pamiarsa, sane sampun pradnyan-pradnyan indik daging aji sastra punika

Ø Titiang puniki saking langah langania nuut minakadi daging geguritan

Ø Duh dewaratu agung, sekadi sesengak ring margi lawar kelungah metanding-tanding juari pongah tiang ngaturan gending indik daging geguritan

Ø Naler saking langah langania, cangkah cumangkah mapiteges ring daging-daging geguritan

Ø Yen ninargamayang indik deweg titiang puniki sekadi ipun I kunang-kunang

Ø Yen sekadi titiang puniki ninargamayang sekadi ipun ikunang-kunang dados purun-purun langah langania ngelawan ida sang hyang sutengsu

Ø Yen titiang rasayang sampun tindas pisan salah laku salah langkah punike kebaosan dadosne purun-purun punike langania kebaosan risada ngaturan gegitan

Pupuh ginanti

Jroning ngrereh artha iku

Dharmane ya maka titi

Sampun keni punang artha

Pinatelu ipun raris

Maka sadhananing dharma

Sadhananing arta malih

Artos

Ø Inggih atur uningayang titiang,ri sajoroning ngerereh arthane punika

Ø Patut pisan, raris dharmane punika sat winaluya pinaka titi-pengancan

Ø Raris ri sampun presida ngamolihang arthane punika

Ø Mangda becik patut raris arthane punika kepah dados tatiga

Ø Presida anggen piranti sajroning ngemanggehang dharma

Ø Sapunika taler, maka piranti sajroning ngulati artha berana

Pupuh sinom

Sang kodagang buta krodha

Janten melaksana pelih

Tan mangetang solah ala

Jantos ipun dadian ati

Nyabud jiwan guru tuwi

Manunu kayun sang sadhu

Antuk parusya wacana

Jenten pacang ngawe sedih

Dewek ipun

Wireh dandan bhuta krodha

Artos

Ø Inggih sang sane kakodagang antuk kebrahmantian punika

Ø Sampun pastika pisan raris melaksana sane iwang

Ø Nenten pisan raris ngetang laksana sane kebawos kaon

Ø Jantos kawentenan ipun punika dadian ati pisan

Ø Bilih-bilih ngantos purun nyedayang sang meraga guru

Ø Mawesana ngantos ngeseng kayun sang luihing budhi

Ø Antuk salwir bawos sane jati-jati banggras pisan

Ø Sampun pastika raris ngawenang kaduhkitan

Ø Padewekan ipune, asapunika

Ø Santukan sampun ketatad antuk manah kebrahmantian

Pupuh semarandana

Sanghyang Surya yan upami

Nyundar jagat ngawe galang

Sapunika taler reko

Sang ngamong dharma sadhana

Mangicalang sarwa papa

Nuli rahayu kepangguh

Mangde gumi, jagathitha

Artos

Ø Inggih kawentenan Ida Sanghyang Surya yan binayang titiang

Ø Sampun pastika nyunarin jagate ngawenang galang apadang

Ø Inggih kadi asapunika taler kebaosang

Ø Ida dane sang sane ngemanggehang piranti dharmane

Ø Ri sajeroning ngicalang salwir sane kabawos sengsara

Ø Presida rahayune  punike raris kepangguhang

Sapunike taler, mangdaning state rahayu jagate